احسدها لما تقول ماما قالت لي كذا وكذا
وأنا أمي ماتعتبرني موجوده عشان تقول
احسدها وهي تقول ماما دايم تسمعني
وأنا امي تسكر الباب بوجهي لما اجي اقول
حاولت اسامح
حاولت اكون قريبه
حاولت اعطيك كلي لاني كلي لك فدوه
يمه انت صرتي بنتي من كثر ماااحن عليك
انا لنت لك وانت مابعد لنتي
يمه تذكرين العام الماضي ..؟؟
لما عمتي مرضت وجت عندنا؟
يمه انا كنت من عمتي اغار
كنت اهرب لغرفتي وابكي
لاني اشوفك فيها تهتمين وتعالجين
لاني ادري بداخلك كمية حب وحنان بس انا منها محرومه
يمه
ااااااااه يايمه
يمه بنتك انجرحت وتالمت
بنتك طاحت وبكت
ولايوم طبطبتي على ظهري ومسحتي دمعي
كنت اشتهي باب غرفتي ينتفتح ومنها علي تدخلين
كنت اتمنى اشوفك عن حالي تسالين
هل انا طبت
هل انا نسيت وماتالمت
هل تجاوزت همي ونمت؟
ولايوم تحقق حلمي
ولايوم عني سألتي
ولاحسيتي
احبك يمه وادري بك طيبه وحنونه
ادري ان هذا حظي... وغيري فيك يتهنى وانا محرومه
كل شي بخل علي به حظي حتى امي احرمني منها وهي جنبي
بالله تلوموني لو كرهت حياتي
ودعيت على نفسي بالموت ؟؟
قبل عامين انا انتحرت ولعت بنفسي
والسبب انتي
امي
ماقلت لك لليوم ليه انا سويت اللي سويته
كذبت على قلبك عشان ماتتالمين
قلت اني يأست
ماقلت اني من جفاك تعبت
وشلون بالله بتحمل العيش وانا جنبي امي بس بحالتي ماتحس
اااااااااه يمه
ااااه ياعذاب قلبي وعلاجه وهمه
