2008/07/ 4 - صفحة مؤلمة (1)
اليوم آجهز شنطتي للسفر
مادري وين بروح
وليه أروح
وانا جسد بلا روح
يقولون كلها 4 ايام نغير فيها الجو
بس شلون اغير الجو والجرح مايتغير؟؟
وشلون بحـس بالرحله وانا بدون احساس
وشلون وانا كل مره امشي فيها مع هالطريق انخنق
هنا مريت انا وانت
هنا جلسنا وهنا سولفنا
هنا ضحكنا وهنا بالحب تعاهدنا
كل مره تسوقني الاقدار لذاك الطريق ..
اموووووووووت ويولع بقلبي حريق
غصه تخنقني وانا استرجع الذكريات
افقد احساسي باللي حولي وارجع لك " ارجع لماضينا"
اضحك معك وابكي على حضنك
اتذكر لما رحنا ذيك الرحله وبنص الطريق صابني نزلة برد ..
للاسف مو متعوده على البرد كنت دافيه وانا بحضنك وبارضك وديرتك .
ساعتها همست لك عشان اهلك مايسمعون
" حبيبي معليش تضمني؟ احس بالبرد"
أذكر شلون انت بسرعه قمت وبخوف للمستشفى اخذتني ..
ولما عليه تطمنت .. بالفندق ريحتني ..
ونسينا ان اهلنا ينتظرون ..
"هذا انت دوم حنون ^_^ "
اذكر يومها صحيت الصباح وانا متعافيه ونشيطه
وقلت لك يلا نعوضهم بليلة البارح ونعزمهم على الفطور :) ..
ولما دخلنا عليهم ابتسموا ووبخونا .. وبالسلامه هنونا ..
لا صدقني هم كانوا لحبنا يباركون ..
أذكر لما مرينا من عند " التلفريك"
وقلت يلا تعالي اوريك الجبال والوديان ..
ساعتها انا خفت وبكيت ورفضت بملايين الايمان ..
ولانك ماتحب تغصبني وافقت وخليتهم يروحون بدوننا ...
ماقدر حبيبي اشوف في نفسك شي وارفضه
خلاص تعال اجربه
ودامني معك ماراح اخاااااف ..
يالله نزلووووني والله ادوووخ وقفوه خلاص مابي افتح عيوني المنظر يخوووف ...
هذي كانت صرخاتي وانت كنت ميت ضحك وتحاول تهديني ..
توووبه اغامر خلاص ماعلي منك "ازعل" ماراح ارضيك بلعبه انتحاريه ..
قلت هالكلمات وارجولي توطي ارض الامان ..
وقتها انت حلفت الا نعيدها لين يجمد قلبي وابطل اخاف ..
لليوم مو قدره اعيدها حتى لما بابا واخواني ركبوها وغصبوني اركب جاملتهم
حسستهم اني بخير ونسيتك ..
وركبت
وكنت ابكي بصمت ..
كان بداخلي نزف .. وقلبي يعتصر ..
يالله يالذكريات ..
كل مره اتوب استرجعك .. وغصب عني بعقلي تستقرين ..
ياترى أنت قدرت تنسى؟
قدرت تتخلص من روح تغلغلت روحك؟
أكيد انك قدرت ..
دامك مع غيري اندمجت .. وتكيفت
يابختك ..
مو مثلي بقايا قلب وذكرياااااات ..!!
| 
